HII NI SEHEMU YA KUJIFUNZA NDIOMAANA NIMEANDIKA KUWA HUENDA AKAWA NI NDIYE MALAIKA MKUU KUTOKANA NA VIASHIRIA KADHAA HIVYO KAZI YETU NI KUENDELEA KUTAFAKARI NAKUMWOMBA MUNGU AZIDI KUTUFUNDISHA
*Je Yesu ndiye malaika mkuu Mikaeli?*
Kama ilivyo kweli, wakati Mkristo wa kweli anapohitaji kuelewa ukweli flani lazima ukweli huo utoke katika Maandiko, kutegemea mawazo ya wanadamu ni hatari kubwa kwa Mkristo yeyote. Biblia inajitafsiri yenyewe na haiitaji utafsiri kutoka nje, kama imemtaja “malaika Mikaeli” pia inaweza kutuambia Mikaeli huyo ni nani, na kama haijatuambia, basi hiyo ni siri ambayo Mungu hakutaka tuifahamu.
*Lakini Je, Biblia inaonyesha wazi wazi kwamba malaika Mikaeli ni nani? Je malaika Mikaeli ndiye Yesu Kristo?*
*Je Biblia inathibitisha ukweli huu?*
*Mwanzo 16:7* “ *Malaika wa Bwana* akamwona kwenye chemchemi ya maji katika jangwa, chemchemi iliyoko katika njia ya kuendea Shuri.”
Katika Mwanzo 16:7-12 *Malaika wa BWANA* alimtokea Hajiri wakati Hajiri alipokuwa anamkimbia bibi yake Sarai mke wa Ibrahimu, *Malaika wa Bwana* huyo akamwambia Hajiri kwamba “Hakika nitauzidisha uzao wako” Mwanzo 16:10, na akamwambia kwamba atazaa mwana na kumwita jina lake Ishmaeli. Baada ya malaika huyo kuondoka, Hajiri “Akaliita jina la Bwana aliyesema naye, *Wewe U Mungu* uonaye, kwani alisema, Hata hapa nimemwona yeye anionaye?” Mwanzo 16:13.
Kulingana na Biblia Hajiri alijua kuwa malaika aliyekuwa anazungumza naye alikuwa ni Bwana Mwenyewe. Harafu baadaye huyo *Malaika wa Bwana* akamtokea tena Hajiri na kumuahidi mambo ambayo malaika wa kawaida hawezi kufanya.
Mwanzo 21:17-18 “ *Mungu* akasikia sauti ya kijana. *Malaika wa Mungu* akamwita Hajiri kutoka mbinguni, akamwambia, Una nini, Hajiri? Usiogope, maana *Mungu* amesikia sauti ya kijana huko aliko. Ondoka, ukamwinue kijana, ukamshike mkononi mwako, kwa kuwa nitamfanya kuwa taifa kubwa.”
Hapa *malaika wa Mungu* anamwambia Hajiri kwamba atamfanya Ishmaeli kuwa taifa kubwa kitu ambacho malaika wa kawaida hawezi kufanya.
Wakati Ibrahimu alipoagizwa na *Mungu* kumtoa kafara mwanawe wa pekee Isaka, katika Mwanzo 22:11-12, *“…malaika wa Bwana* akamwita kutoka mbinguni, akasema, Ibrahimu! Ibrahimu! Naye akasema, Mimi hapa. Akasema, Usimnyoshee kijana mkono wako, wala usimtendee neno; kwa maana sasa ninajua ya kuwa unamcha *Mungu* , iwapo hukunizuilia mwanao, mwanao wa pekee.”
Hapa *malaika wa Bwana* anamwambia Ibrahim kwamba “hukunizuilia mwanao wa pekee”
*Je malaika wa kawaida anaweza kufanya hivyo?*
Katika Mwanzo 31 fungu la 11-12 Yakobo anasema, “Na *malaika wa Mungu* akaniambia katika ndoto, Yakobo! Nikasema, Mimi hapa. Akasema, Inua, basi, macho yako, ukaone; mabeberu wote wanaopanda wanyama wana milia, na madoadoa, na marakaraka; maana nimeona yote aliyokutendea Labani. *Mimi ni Mungu* wa Betheli, huko ulikotia mafuta nguzo, na kuniwekea nadhiri. Sasa ondoka, toka katika nchi hii, urudi mpaka nchi ile uliyozaliwa.”
Hapa ni *malaika wa Mungu* anayeongea na Yakobo katika ndoto, harafu malaika huyo anasema kuwa “ *mimi ni Mungu* wa Betheli”, ambaye Yakobo alikuwa amekutana naye katika (Mwanzo 28:20-22). Je malaika wa kawaida aliyeumbwa anaweza kusema *“mimi ni Mungu”* *kama sio Yesu Mwenyewe?*
Katika Mwanzo 32:22-32 Yakobo akapewa jina la “Israeli”, baadaye Yakobo katika fungu la 30 akasema,
Mwanzo 32:30 “Yakobo akapaita mahali pale, Penueli, maana alisema, *Nimeonana na Mungu uso kwa uso, na nafsi yangu imeokoka.”*
*Kulingana na neno la Mungu, hakuna mtu anayeweza kuuona uso wa Mungu Baba* *akaishi* (angalia Kutoka 33:20), *Lakini Yakobo hakufa, hivyo je huyo alikuwa nani?*
Ni wazi kwamba *Yesu* *alionekana kwa watu uso kwa uso na watu hawakufa, na ndiye ambaye hutoa majina mapya, alimpa jina Petro, na Paulo na pia atatupa sisi majina mapya siku ya mwisho.*
Wakati Yakobo anakaribia kufa wakati anawabariki wanawe katika Mwanzo 48:15-16 alisema, “Akambariki Yusufu, akasema, *Mungu ambaye baba zangu, Ibrahimu na Isaka, walienenda mbele zake, yeye Mungu aliyenilisha, maisha yangu yote, hata siku hii ya leo,* 16 naye *Malaika* aliyeniokoa na maovu yote, na awabariki vijana hawa; jina langu na litajwe juu yao, na jina la baba zangu, Ibrahimu na Isaka; na wawe wingi wa watu kati ya nchi.”
Hivyo Yakobo alitambua kwamba kuna *“Malaika”* aliyemuokoa katika maovu yote, kisha akasema Malaika huyo awabaliki vijana wake, kitu ambacho malaika wa kawaida hawezi kufanya. *Kwa hiyo malaika huyo ni Yesu Kristo Mwenyewe.*
Tunapita kitabu cha Mwanzo hadi cha Kutoka ambapo tunaona *Malaika huyu wa Bwana alimtokea Musa katika Mwali wa moto.*
Kutoka 3:2 “ *Malaika wa Bwana* akamtokea, katika mwali wa moto uliotoka katikati ya kijiti; akatazama, na kumbe! Kile kijiti kiliwaka moto, nacho kijiti hakikuteketea.”
3:4 *“Bwana* alipoona ya kuwa amegeuka ili atazame, *Mungu* akamwita kutoka katikati ya kile kijiti, akasema, Musa! Musa! Akasema, Mimi hapa.”
3:6 “Tena akasema, *Mimi ni Mungu* wa baba yako, *Mungu wa *Ibrahimu,* *Mungu* *wa Isaka, na Mungu wa Yakobo. Musa* akaficha uso wake; kwa maana aliogopa kumwangalia *Mungu.”*
*Je umeona malaika huyu katika fungu la 4 na 6 ameitwa Mungu na Bwana?* *Na Kwanini Musa alificha uso?* Kwa sababu alifahamu fundisho la kwamba *, “hakuna mtu aliyemwona Mungu akaishi”,* lakini kwa kweli huyo hakuwa Mungu Baba bali alikuwa ni *“malaika wa Mungu”,* hata Stefano katika Matendo 7:30-31 anathibitisha ukweli huu
Matendo 7:30-31 “Hata miaka arobaini ilipotimia, malaika swa *Bwana akamtoke* katika jangwa la mlima wa Sinai katika mwali wa moto, kijitini. Musa alipouona, akastaajabia maono yale, na alipokaribia ili atazame, sauti ya *Bwana* ikamjia,”
Hapa tunaanza kupata mahusiano kati ya *Yesu* na *malaika* huyu wa *Bwana* , kwa sababu katika fungu la 13-14 Musa alipouliza kwamba wana wa Israeli wakimuuliza jina lake atawambiaje? “ *Mungu* akamwambia Musa, *MIMI NIKO AMBAYE NIKO;* akasema, Ndivyo utakavyowaambia wana wa Israeli; *MIMI NIKO* amenituma kwenu.” Na Yesu katika Yohana 8:58 anasema, “Yesu akawaambia, Amin, amin, nawaambia, Yeye Ibrahimu asijakuwako, mimi niko.”
*Kwanini malaika huyu wakati mwingine anaitwa Mungu au Bwana?*
Katika Kutoka 13:21 ni “Bwana ndiye anayewatangulia wana wa Israeli katika wingu lililo mfano wa nguzo”, lakini katika Kutoka 14:19 “malaika wa Mungu” ndiye aliyewatangulia wana wa Israeli katika nguzo ya wingu.
*Je kwanini malaika huyu mara anaitwa Bwana au Mungu?* Mungu Mwenyewe alisema,
Kutoka 23:20,21 “Tazama, mimi namtuma malaika aende mbele yako, ili akulinde njiani na kukupeleka mpaka mahali pale nilipokutengezea. Jitunzeni mbele yake, mwisikize sauti yake; wala msimtie kasirani; maana, hatawasamehe makosa yenu; kwa kuwa jina langu limo ndani yake.”
*“JINA LA MUNGU”* lilikuwa ndani ya malaika wake, na ndio maana tunaona huyo malaika wa Bwana, anaitwa Bwana, mara Mungu kwa kuchanganya changanya, malaika huyu wa Bwana ni *Yesu Kristo* Mwenyewe ambaye alirithi jina lililotukuka kupita la malaika (angalia Waebrania 1:1-4), na jina hilo ni “Mungu” (Ebr 1:8,9).
Jina linamaanisha pia asili, hivyo kwa kuwa jina la Mungu lilikuwa ndani yake yule malaika; hii inamaana yule malaika naye alikuwa na asili ya Uungu, kitu pekee kinachothibitisha kuwa Yule malaika ni Yesu Kristo Mwenyewe aliyezaliwa zamani za kale na Baba, na kwa kuwa ni Mwana wa Mungu, ana asili na sifa za kiuungu na ana haki ya kutumia jina la Baba yake.
Tukiruka hadi kitabu cha Hesabu tunaona Balaamu pia alikutana na malaika wa Bwana…
Hesabu 22:35 *“Malaika wa Bwana* akamwambia Balaamu Enenda pamoja na watu hawa, lakini neno lile nitakalokuambia, ndilo utakalosema…”
Hesabu 23:4-5 *“Mungu akakutana* na Balaamu;… *BWANA* akatia neno katika kinywa chake Balaamu…”
Katika Hesabu 22:35 malaika wa Mungu ndiye angetia neno katika kinywa cha Balaamu, lakini katika 23:4-5 ni Mungu au Bwana anayetia neno katika kinywa cha Balaamu. Hivyo “malaika wa Bwana”, “Bwana”, na “Mungu” ni majina ambayo yametumiwa kwa kuchanganya changanya. Pia angalia mafungu yafuatayo chini…
Hesabu 22:22 “Hasira ya Mungu ikawaka kwa sababu alikwenda; malaika wa Bwana akajiweka njiani, ili kumpinga…”
23 “Na yule punda akamwona *malaika wa Bwana* amesimama njiani, na upanga wake mkononi mwake amekwisha kuufuta; punda akageuka upande ili kuiacha njia…”
26 “Malaika wa Bwana akaendelea mbele akasimama mahali pembamba sana, hapakuwa na nafasi ya kugeukia mkono wa kuume, wala mkono wa kushoto.”
*
27 “Yule punda akamwona malaika wa Bwana, akajilaza chini…; hasira yake Balaamu ikawaka, akampiga punda kwa fimbo yake.”
31 “Ndipo Bwana akafunua macho ya Balaamu akamwona malaika wa Bwana amesimama njiani, ana upanga mkononi mwake, umekwisha kufutwa naye akainama kichwa, akaanguka kifudifudi.”
32 “Malaika wa Bwana akamwambia…Tazama mimi nimekuja ili kukupinga, kwa sababu njia yako imepotoka mbele zangu.”
*Je umeona katika fungu la 31 Balaamu “akainama kichwa, akaanguka kifudifudi” kumusujudu malaika wa Bwana?*
Na malaika huyo akaipokea ibaada bila kusita!
Na Je pia umeona katika fungu la 32 *malaika wa Bwana* anamwambia Balaamu “njia yako imepotoka mbele zangu,”? Kwa hakika malaika wa kawaida hawezi kupokea ibaada au kutoa madai kama hayo, *malaika huyo alikuwa ni Yesu Kristo* Mwenyewe.
34 “Balaamu akamwambia malaika wa Bwana, Nimefanya dhambi; maana sikujua ya kuwa wewe umesimama njiani ili kunipinga; basi sasa, ikiwa umechukizwa, nitarudi tena.”
*Tukiruka hadi kitabu cha Waamzi tunaona Gidioni pia alitokewa na malaika huyu wa Bwana…*
Waamuzi 2:1 “Kisha malaika wa Bwana alikwea juu kutoka Gilgali kwenda Bokimu. Akasema, Mimi nimewaleta ninyi mkwee juu kutoka nchi ya Misri, nami nimewaleta hata nchi niliyowaapia baba zenu; nami nilisema, Mimi milele sitalivunja hilo agano langu nililoagana nanyi;”
Je umeshika hapo? *Malaika wa Bwana hapa anasema “yeye ndiye aliwatoa Waisraeli kutoka Misri”,* *na “aliwaleta kwenye nchi aliyowaahidi baba zao”, tena anadai “hatalivunja agano la milele alilofanya nao”.*
*Hata hivyo ukiangalia mafungu yanayofuata utaona kuwa maneno Bwana, malaika wa Bwana/Mungu yametumiwa kwa kuchanganya changanya.*
16 *“Bwana* akamwambia, Hakika nitakuwa pamoja nawe, nawe utawapiga Wamidiani kama mtu mmoja.”
20 “ *Naye malaika wa Mungu* akamwambia, Itwae nyama na mikate isiyotiwa chachu, uiweke juu ya mwamba huu, ukaumwage huu mchuzi. Akafanya hivyo.”
21 “ *Ndipo malaika wa Bwana* akanyosha ncha ya fimbo ile iliyokuwa mkononi mwake, akaigusa ile nyama na ile mikate; moto ukatoka mwambani, ukaiteketeza ile nyama na mikate; *malaika wa Bwana* akaondoka mbele ya macho yake.”
22 “Gideoni akaona ya kuwa ni *malaika wa Bwana;* Gideoni akasema, Ole wangu, *Ee Bwana MUNGU!* Kwa kuwa nimemwona Bwana uso kwa uso.”
23 *“Bwana* akamwambia Amani iwe pamoja nawe; usiogope; hutakufa.”
Katika fungu la 23 *Bwana* anamhakikishia Gidioni kwamba hatakufa. Kwanini Gidioni aliogopa wakati alipokuwa ameonana na *malaika wa Bwana* uso kwa uso?
Kwa sababu inajulikana miongoni mwa wateule kwamba mtu akiuona uso wa *BABA* atakufa (angalia Kutoka 33:20), hivyo Gidioni aliogopa, lakini Bwana alimthibitishia kuwa hatakufa, kwa sababu *malaika wa Bwana hakuwa BABA;* *bali alikuwa Yesu Kristo, huyu ndiye Mungu* ambaye watu wanaweza kumwona na wakaishi.
*Katika Waamzi 13* tunaingia katika hadithi ya Mama yake na Samsoni, ambapo tunaona *malaika wa Bwana* alimtokea na kumwelekeza chakufanya kwa mtoto ambaye angemzaa kwa ahadi…
Waamuzi 13:3 *“Malaika wa Bwana* akamtokea yule mwanamke, akamwambia, Tazama, wewe sasa u tasa, huzai; lakini utachukua mimba, nawe utamzaa mtoto mwanamume.”
Kama ukisoma fungu la 9, 13 na 15, utaona kuwa *malaika wa Bwana alimtokea pia* Manoa kumsisitiza chakufanya kwa mtoto atakayezaliwa. *Manoa alipojaribu kumuuliza jina lake yule malaika wa Bwana, alisema “jina langu ni la ajabu”* (angalia Waamuzi 13:18), *Mwenye jina la ajabu kwa kweli ni Yesu Kristo* (angalia Isaya 9:6).
*Baadaye, malaika wa Bwana* alipoondoka, “Manoa akamwambia mkewe, Hakika yetu tutakufa sisi, kwa sababu *tumemwona Mungu* .” Waamuzi 13:22.
*Sasa nauliza…Kwanini wote hao hawakufa ikiwa walimwona BABA?* Ni kwa sababu *“malaika wa Bwana” hakuwa BABA, bali alikuwa Yesu Kristo Mwenyewe.* Pia *“Hakuna mtu aliyemwona Mungu BABA wakati wowote, ” Yohana 1:18, Yesu peke yake ndiye aliyemwona Mungu (Yohana 5:37: 6:46),* hivyo tunauhakika *malaika wa Bwana* aliyewatokea watu zamani alikuwa ni *Yesu Kristo Mwenyewe.*
Pia inajulikana vizuri *kwamba Yesu Kristo ni Mwokozi* wetu wa kutuokoa kutoka katika uovu (dhambi) wetu, lakini katika Mwanzo 48:16 *Yakobo anasema “Malaika aliyeniokoa na uovu wote.*
*Je inawezekanaje malaika wa kawaida aweze kumuokoa mtu na uovu wake? Kwa hakika hapana! Bali Malaika huyo ni Yesu Kristo* *Mwenyewe.*
*Angalia pia Isaya* anafundisha kuwa malaika huyu aliwaokoa watu wa *BWANA* na kuwaongoza siku zote za kale.
Isaya 63:7-9 inasema, “Nitautaja wema wa *Bwana,* sifa za *Bwana* kwa yote aliyotukirimia *Bwana;* na wingi wa wema wake kwa nyumba ya Israeli, aliowakirimia kwa rehema zake, na kwa wingi wa wema wake. Maana alisema, Hakika ndio watu wangu hawa, wana wasio na hila; akawa Mwokozi wao. Katika mateso yao yote yeye aliteswa, na malaika wa uso wake akawaokoa; kwa mapenzi yake, na huruma zake, aliwakomboa mwenyewe; akawainua, akawachukua siku zote za kale.”
Hebu zingatia hapa Isaya anatuambia *“malaika wa uso wake” Bwana, neno “uso* ” la kiebrania ni “ *panim* ” na limetafsiriwa katika KJV kama *“presence* ”. Hivyo Malaika huyo ambaye alikuwa kama “uwepo wa *Bwana* ” pia jina la Bwana lilikuwa ndani yake alikuwa anamwakilisha *BWANA MWENYEWE* , na hawezi kuwa mtu mwingine tofauti na *Yesu Kristo Mwana* *Wa Mungu aliye hai, ambaye ni Mwokozi* wetu sisi. Isaya katika fungu la 9 anatuambia kuwa *malaika* huyu aliwaokoa, na kuwakomboa, na aliwaongoza watu wa Mungu katika siku zote za kale.
*Je Malaika wa Bwana anaweza kuwa ndiye malaika mkuu Mikaeli?*
Zekaria 3:1-2 inasema, “Kisha akanionyesha Yoshua, kuhani mkuu, amesimama mbele ya *malaika wa Bwana* , na Shetani amesimama mkono wake wa kuume ili kushindana naye. *Bwana* akamwambia Shetani, *Bwana na akukemee* Ewe Shetani; naam, *Bwana* , aliyechagua Yerusalemu, na akukemee; je! Hiki si kinga kilichotolewa motoni?”
Hapa tunamwona *malaika wa Bwana akimwambia* shetani kwamba”Bwana na akukemee”, Ukisoma fungu la 3 utaona Yoshua alikuwa amevaa *“mavazi machafu” hii inawakilisha dhambi.* Halafu shetani akaja kwa Yoshua akidai kuwa yuko upande wake, na *malaika wa Bwana* hivyo hivyo, alikuja kumuondolea Yoshua uovu wake, hivyo akamwambia shetani kwamba *Bwana na akukemee.*
*Je ni wapi tena tunaona jambo kama hili hili?*
Yuda 1:9 inasema, *“Lakini Mikaeli, malaika mkuu,* aliposhindana na Ibilisi, na kuhojiana naye kwa ajili ya mwili wa Musa, hakuthubutu kumshitaki kwa kumlaumu, bali alisema, Bwana na akukemee.”
Hapa tunaona kama hilo hilo lilitoke wakati wa Musa, na *malaika aliyefanya hivyo ni Mikaeli malaika mkuu;* *kwa hakika “malaika wa Bwana” ndiye “Mikaeli”.* Kumbuka shetani pale bado hajatupwa chini alikuwa na nafasi ya tatu mbinguni kwa ukuu, na alipoasi nafasi yake ikachukuliwa na “Gabrieli” ambaye alikuwa mdogo kwake; pia shetani hakunyanganywa nguvu zake alizokuwanazo mwanzo, hivyo malaika ni wadogo kwake, na Mungu alimtuma *Yesu Mwenyewe ambaye alimuumba shetani* kwenda kupambana naye. Kwa *hakika Malaika Mkuu Mikaeli ni Yesu Mwenyewe.*
Angali jinsi Paulo anavyolitumia neno hilo kwa *Yesu.*
1 Wathesalonike 4:16 “Kwa sababu *Bwana mwenyewe* atashuka kutoka mbinguni pamoja na mwaliko, *na sauti ya malaika mkuu,* na parapanda ya Mungu; nao waliokufa katika Kristo watafufuliwa kwanza.”
Hapa Yesu atakuja na *“sauti ya malaika mkuu”* kuwafufua wafu. *Na katika Biblia nzima jina “malaika mkuu” limetumika kwa “Mikaeli” peke yake (Yuda 1:9). Na Yohana 5:26-29 inatuambia kuwa wafu wataisikia “sauti ya Mwana wa Mungu”* nao watafufuka. Hivyo *sauti ya malaika mkuu* itakayofufua wafu, *ndiyo sauti ya Mwana wa Mungu, na Mikaeli malaika mkuu ni Yesu Kristo Mwenyewe.*
Musa alikufa katika mlima alioagizwa na *Yehova* , na Yuda 1:9 inatuambia shetani na *malaika mkuu Mikaeli* walikuwa wakishindania mwili wake, hivyo tunajua kuwa *Musa alifufuliwa na malaika mkuu Mikaeli na akapelekwa mbinguni!*
Na ni kwanini Paulo katika 1 The 4:16 anasema *“sauti ya malaika mkuu” itafufua wafu siku ya mwisho?* Na tunajua hakuna mwingine awezaye kufufua wafu tofauti na *Yesu Kristo Mwana wa Mungu* ,
*Hivyo Mikaeli ni Yesu Kristo Mwenyewe.*
Pia angalia kwamba, *malaika Mikaeli* baada ya matukio yote kuisha siku ya mwisho atasimama kuja duniani kuwafufua na kuwaokoa watu wake.
Danieli 12:1,2 inasema, “ *Wakati huo Mikaeli atasimama, jemadari mkuu,* asimamaye upande wa wana wa watu wako;…na wakati huo watu wako wataokolewa; kila mmoja atakayeonekana ameandikwa katika kitabu kile. Tena, wengi wa hao walalao katika mavumbi ya nchi wataamka, wengine wapate uzima wa milele, wengine aibu na kudharauliwa milele.”
Yohana 5:28,29 “Msistaajabie maneno hayo; *kwa maana saa yaja, ambayo watu wote waliomo makaburini wataisikia sauti yake.* Nao watatoka; wale waliofanya mema kwa ufufuo wa uzima, na wale waliotenda mabaya kwa ufufuo wa hukumu.”
Zingatia kwamba, Paulo katika 2 The. 2:16 anafundisha kwamba, *Yesu atakuja na “sauti ya malaika mkuu” kufufua wafu,* halafu Danieli anafundisha katika 12:1,2 kwamba, *“Mikaeli malaika mkuu” ndiye atakayefufua wafu,* *na kuwahukumu, na kuwaokoa watu.* Na Je, umeona Yohana 5:28,29 inasema kuwa *“sauti ya Yesu Mwana wa Mungu” ndiyo itafufua wafu, na kuwahukumu?* Haiwezi kuelezeka wazi zaidi ya hivi, kama mtu ana njaa na ukweli wa Maandiko ambao ni “mstari juu ya mstari, na kanuni juu ya kanuni”, au Mkristo yeyote mwaminifu kwa hakika hawezi kukataa ushahidi wazi kiasi hiki.
MUNGU; ambaye hutumwa na BABA yake, pia alitumwa kuja kuokoa ulimwengu. Ukweli huu hauwezi kupokelewa na madhehebu ya wanautatu, kwa sababu hawataki kuacha mafundisho ya Kupinga-Kristo ya kanisa Katoliki ambayo hayapo kwenye Biblia. Na kwa kuthibitisha zaidi kwamba Yesu *ni malaika mkuu Mikaeli,* ngoja tuangalie ukweli zaidi ambao hauwezi kupingika.
Zingatia Danieli 12:1 inamwita Mikaeli kama *“Jemedari Mkuu” (Great Prince), na katika Ufunuo 12:7 “Mikaeli na Malaika* zake anapigana na shetani na malaika zake”. Shetani ni mkuu wa malaika zake na malaika zake humwabudu yeye na kutii amri zake; na malaika zake ni jeshi lake, vivyo hivyo *Mikaeli ni mkuu wa malaika zake, na malaika zake ni jeshi lake, nao humwabudu yeye na kutii amri zake (Ebr 1:6-7), na hivyo Yesu ni Jemedari au Amili Mkuu wa jeshi (malaika) la BWANA;*
zingatia jinsi jeshi la malaika zake wanavyopigana na shetani katika Ufunuo 12:7, halafu angalia Yoshua anavyoonyesha ukweli usiopingika uliopo kati ya *Yesu na Mikaeli.*
Yoshua 5:13-15 inasema, “Ikawa hapo Yoshua alipokuwa karibu na mji wa Yeriko, akainua macho yake na kuangalia, na tazama, *mtu mume akasimama kumkabili mbele yake,* naye alikuwa na upanga wazi mkononi mwake; Yoshua akamwendea, na kumwambia, Je! Wewe u upande wetu, au upande wa adui zetu? Akasema, La, Lakini nimekuja sasa, nili amiri wa *jeshi la BWANA.* Yoshua akapomoka kiusouso hata chini, naye akasujudu, akamwuliza, *Bwana wangu* aniambia nini mimi mtumishi wake? *Huyo amiri wa jeshi la Bwana* akamwambia Yoshua, Vua viatu vyako miguuni mwako; kwa kuwa mahali hapo usimamapo ni patakatifu. Yoshua akafanya vivyo.”
*Je umeshika hapo?*
*Huyu Jemedari au Amiri wa jeshi la BWANA* katika Danieli 12:1 ni *Mikaeli,* na hapa Yoshua anapomoka kiusouso ili kumwabudu lakini Yeye hamzuii, bali anaipokea ibaada ya Yoshua kana kwamba anaistahili kabisa. Na *kulingana na Maandiko hakuna mtu mwingine Yeyote tunayeruhusiwa kumwabudu tofauti na Mungu Mwenyewe na Mwanawe Yesu Kristo, Hivyo Amiri huyo kwa hakika ni Yesu Kristo Mwenyewe.*
Na Je umeona jinsi ambavyo “Amiri” huyo hata anamwambia Yoshua kuwa mahali aliposimama ni patakatifu, na kwamba avue viatu kama vile *“malaika wa Bwana”* alivyomwambia Musa katika kutoka 3:2-5? Ukweli uko wazi sana, *malaika mkuu Mikaeli ndiye Yesu; tatizo watu wamepofushwa na fundisho la utatu, ndio maana wengine wanaweza kukataa ushahidi makini ambao Biblia inafunua wazi.*
*Kwa sababu huyu “malaika wa Bwana”, “Amiri wa jeshi la Yehova” na “Jemedari Mkuu” Mikaeli Mwenyewe anapokea ibaada,* hivyo hawezi kuwa malaika wa kawaida, bali *ni Yesu Kristo Mwenyewe Mwana wa Mungu.*
*Angalia jinsi malaika aliyeumbwa hawezi kukubali kupokea ibaada.*
Ufunuo 19:10 “Nami nikaanguka mbele ya miguu yake, ili nimsujudie; *akaniambia, Angalia, usifanye hivi; mimi ni mjoli wako na wa ndugu zako walio na ushuhuda wa Yesu.* *Msujudie Mungu.” (Angalia pia 22:8,9)*
*Pia zingatia kwamba Mikaeli huitwa “Mkuu”(Prence),* *Na Je unajua kuwa Yesu Kristo ndiye “Mkuu”? Danieli 12:1 inasema, “Wakati huo Mikaeli* *atasimama, jemadari mkuu (the great Prince), asimamaye upande wa wana wa watu wako;…”*
*Danieli 10:13* “Lakini mkuu wa ufalme wa Uajemi alinipinga siku ishirini na moja; bali, tazama, huyo *Mikaeli,* mmoja wa hao wakuu wa mbele, akaja kunisaidia;”
Kumbuka: Danieli 10:13 *imetafsriwa vibaya kwa kusema Mikaeli ni “mmoja wa wakuu wa mbele”, neno “mmoja” linatokana na neno la kiebrania “echad” ambalo linamaanisha pia “-a kwanza”, hivyo likitafsriwa vizuri litamaanisha malaika mkuu Mikaeli ni “Mkuu wa kwanza wa wakuu” (Chief Prince of the princes).
Danieli 10:21 “Lakini nitakuambia yaliyoandikwa katika maandiko ya kweli; wala hapana anisaidiaye juu ya hao ila huyo *Mikaeli, mkuu wenu (your Prince).”*
*Je Yesu Kristo ndiye Mkuu huyo ambaye ni Mikaeli?* Kumbuka neno “mkuu” la kiebrania lilolotumika kwa Yesu na kwa Mikaeli ni שָׂר (sar) ambalo kwa uhalisi linamaanisha *“mwana mfalme”,* kwa kiingereza limetafsiriwa kama *“prince”,* neno *sar* linamaanisha “Mkuu ambaye ni *mwana wa Mfalme”,* au kwa uhalisi *“mwana wa mfalme ambaye ni mtawala”.*
*Kama malaika mkuu Mikaeli ni* *“Mwana wa Mfalme”* mbinguni, hawezi kuwa *mtu* yeyote ila *Yesu Mwenyewe* . Na Je unajua kuwa Yesu ndiye “Mwana Mfalme” au “Mkuu” huko mbinguni? Angalia mafungu yafuatayo ambayo yanamwita Yesu “Mkuu”(Prince) kama vile Mikaeli alivyo.
Danieli 9:25 “Basi ujue na kufahamu, ya kuwa tangu kuwekwa amri ya kutengeneza na kuujenga upya Yerusalemu hata zamani zake masihi aliye mkuu (prince);…”
Danieli 8:25 “…naye atasimama kushindana naye aliye *Mkuu wa wakuu; (Prince of princes)* lakini atavunjika, bila kazi ya mikono.”
Isaya 9:6 *“Maana kwa ajili yetu mtoto amezaliwa, Tumepewa mtoto mwanamume; Na uweza wa kifalme utakuwa begani mwake; Naye ataitwa jina lake, Mshauri wa ajabu, Mungu mwenye nguvu, Baba wa milele, Mfalme(sar) wa amani.”*
Matendo 3:14 “mkamwua yule *Mkuu wa uzima (Prince of life),* ambaye Mungu amemfufua katika wafu; na sisi tu mashahidi wake.”
Matendo 5:31 “Mtu huyo Mungu amemtukuza kwa mkono wake wa kuume, awe *Mkuu na Mwokozi (Prence and Seviour)* , awape Waisraeli toba na msamaha wa dhambi.”
*Ufunuo 1:5 “…Yesu Kristo, shahidi aliye mwaminifu,* *mzaliwa wa kwanza wa waliokufa, na mkuu wa wafalme (Prince of kings) wa dunia…”*
*Hivyo, Yesu ndiye Mkuu huyo malaika mkuu ambaye ni Mikaeli,* haiwezi kuelezewa wazi zaidi ya hapa, kwa hiyo tunaona kuwa Yesu alikuwepo tangu zamani katika Agano la kale kama “malaika wa Bwana”, na jina la Bwana lilikuwa ndani yake; *Yeye alikuwa Mwana wa Mungu tangu zamani kabla dunia haijaubwa.* Hii inathibitisha kuwa fundisho la utatu ni uongo; kwa maana linasema kwamba Yesu ni Mungu yuleyule mmoja, ambaye alishuka kutoka mbinguni *akachukua asili ya ubinaadamu kwa kuzaliwa kule Bethlehemu kama Yesu,* ndipo kuwepo kwa Yesu kukaanza rasmi, lakini Biblia haisemi vinginevyo; *hivyo tuna uhuru wa kuchagua, aidha kuamini inachokisema Biblia wala Yesu.*
